Schnitzelbank 2013

Im hüürige Räbefasnachts Lotto                   

het eine putzt mit nöiem Motto

Ned "alt fry Baar" und "Räbedibum"

Nei - "im Minimum vier Gummi drum".  

D‘Rigistrass und Baby-Boom

wer d'Lüüt det kännt, glaubt das chuum

doch schtatt meh Sex und Altersränte

hend's Meh Verchehr wäg de Tangänte.

D’Merkel und de Sarkosy

Sind es illuschters Päärli gsii

Jetzt isch Europa i dä Baise

Und d’Merkel frisst Sauce HOLLANDE aise

D‘Roma bättled - uf de Strass

s git kei Asyl - begriifed das

d‘Zuger siiget schiints vill gschiider

De Romer bechlaut  - alti Wyber

Wie nes Vögeli uf em Ascht

Singt üses Francin Jordi fascht

Jetzt hockt si nüme uf em Ascht

s ‚isch so truurig,ja  zum brüele fascht

Triathlon – es isch kei Pleiti

D’Spirig gwünnt – um Bruschtesbreiti

Jetzt seckled keini Flachi meh

Nur no Fraue - mit Cup D.

De Pontifex - de alti Maa

cha sich chuum - uf de Beine ha

au bim Rede tuet är zittere

drum wott är mit de - Junge twittere.

D’Parkplätz sind em Jöschtel z’knapp

Er stellt de Chlapf bi de Behinderete ab

Da fragt mer sich was isch de Grund?

Isch är debil oder e chli z’rund.  

Am Willi sini Kate het geili Brüschtli

Am Harry sin "Willy" weckt hie und do Glüschtli

S'Königshuus het en Blamasch

eus gfallt besser de Pippa-Arsch!

De Zugerberg - bruuchsch zum Erhole

de Wekselberg - bringt schwarzi Chole

de EVZ - ohni Zetterberg

suuft  -  Underberg im Brandeberg.

D Pisa Studie - zeigt brutal

de Teeny-IQ  - im freie Fall

mit Zigi - Pornos - und 20 Minute

hends en Ahnig vom Blaase - aber ned vom Tuute.

D’Gripen bruchis - nümm gäg obe

drum bschtellt de Ueli - Ross gäg d'Schwobe

d'Gfahr droht jetz - vo ännet em Rhy

vom Steinbrück sinere – Kavallerie.

De Schifahrer – laufts hüür nid rund

S’gaht ewig – bis eine is Ziel abe chund

Die suufed doch – s’isch allerhand

Mit em Vreni – es Kafi am Pischterand

Glüehwy - trinkt mer am Wiehnachtsmärt

Z’Münche isch s’Bier – heiss begärt

Z’Baar händ d’Möschteler hüür bigoscht

Läderhose – und suufed Moscht.


Bänke : Ruedi Suter und Annelies Stebler     -   Helgen : Brigitte Andermatt