Schnitzelbank 2012

Mier Räfeler Täfeler, ier wüssed das

Chömed vo de Inwilerstrass

Det wohned bald zum Dunnerwätter

Nur no Moscht - und Räbevätter

Betreutes Wohne wänd die Alte                                                   

Botox sprützeds gäge d’Falte

Verjüngigskure mached frisch

De Coop bringt alts Fleisch uf de Tisch.

De Berlusconi, de Mubarak                                                         

Scheffled s Gäld i eignig Sack

Händ Dräck am Stäcke, wärded gange

Nur de Bätschert z’ Baar bliibt hange.

De Rüegg i de Badhose das isch dumm

Macht im Choller de Ruggeschwumm

D’ Polizischte händ en packt

Sii - da wird baded nume nackt.

Nailstudios und 40 Frisöre

D’Baarer tönd uf Styling schwöre

Hey wo zeigeds denn ihri Reiz

Ohni Nachtlokal und Beiz.

Euro Euro Euro Euro

Euro Euro Euro Euro

Euro  Euro Eurokrise

De Euro tued üses Gschäft vermiese.

D’Sommaruga, die linggi Tante

Suecht schöni Zimmer für Asylante

de Andi lüütet a uf Bärn

“Im Silo heds Platz, mier nämed’ s gärn”.    

D’Italiäner, d’Spanier, d’Grieche

Sind doch alles geili Sieche          

Schaffed nüt, händ d’Händ im Sack

D’Merkel schnüert es Rettigspack. 

D’ Deponie im Baarburgrank

Isch saniert. Gott sei Dank                       

Doch a de Langgass gopferdami

Gsehts us wie nach em Tsunami

D Skyguide seid  “follow mi”

De Andi “Feuchter hinnedrii”                                                      

isch Räbevatter im Momänt

de wird au no Gmeindspräsidänt 

De Brunner, Bader und de Blocher

Sind d’SVPler Süpplichocher

Die schwyzerisch Drüfaltigkeit

Isch bi de Wahle uf d Schnore gheit. 

Schwarzvermummti, Gwaltverbrächer

Petardewärfer, Mässerstächer

All de Seich isch total fruschtig

Zum Glück isch üsi Fasnacht luschtig.

 


Bänke : Annelies Stebler     -   Helgen : Brigitte Andermatt