Ä sicheri Sach - statt en huuffe Skandal
Isch im Vordergrund gsi - bi de Räbevaterwahl
All hend ghoffd - uf ganz en Schlimme
Aber worde isch -- de René Simme
Am Bahnhof stönds Schlange – vor em Chaschte
Zielort - via - eifach - retour - Tagescharte - es ganzes
es halbs - erschti – zweiti - die falschi Taschte
de Zug isch wäg – äs wird gfluechet
hätsch doch gschiider - es Taxi buechet.
Manne mit Schneuz - Fraue mit Bart
S’isch nümm wi früener - s Läbe isch hart
Es Baarer Bier - jetzt für de Durscht
Conchita isch mer - würkli Wurscht
Für Goofe z’mache – Gott sei Dank
Bruuchsch kei Ma meh – s’gitt d’Samebank
Ob Fedrer Einstei - oder Vivaldi
Holsch es z Baar – im Gschtell vom Aldi
Z’Baar heds jetz - en Liechterwäg
de findet au - de Gmeindrat zwäg
er wandlet det - am Abig spat
und hofft dass ihm – es Liecht uf gaht
Bi Schwiizer Sportler – Tschaka oder Kambutschi
Mechmedi Schakiri – gaht d’Zunge fascht futschi
Drum tüemer jetz – Schwingfäscht erwäge
Sämpach und Schtucki – cha jede säge.
Im Nachtischli hani - griffbereit
Viagra-Päckli - falls er nid steit
Doch letschti woni - gsuecht ha dette
Verwütsch i glatt - en Jod Tablette
Sie han ICH jetz - oder sött ÄR wölle
Muesch DU oder - hätt SIE sölle
Würd de stoppe - wenn ich jetz gohne
Ach ich schiiss - uf d’Drissger Zone
KO-Tropfe - seit d’Frau Spiess betroffe
Heig sie mit em - Huerlimaaa gsoffe
„jetz weiss i nümm - was isch gloffe
Hend mier üs im WC - oder bim Höpperle troffe“?
Mier Räfeler wüsseds – mier tüends üch verrate
Die zwei hend über - de Stadtunnel berate
Im Chämmerli – s’wird nid glacht
Hends nämli grad – e Sondierbohrig gmacht
Hüt isch de letscht Uftritt - vom Räfeler Chor
S‘ isch fertig gsunge - würkli wohr
Wer üs wott lose - im nächschte Johr
Zahlt fürs Äpp - im Äpple-Schtore
De grüen Geri meint – de Wald wird stärbe
Bringi scho bald –s’grosse Verdärbe
rächt hed er - lueg sis Selfie aa
Ä Stirzel mit - zwei Chugeli dra
Bänke : Ruedi suter und Annelies Stebler - Helgen : Christoph Habeler