Ä frächi Röhre - sit zäh Jahr
Alls wird uufdeckt - würkli wahr
Mier findet s’Haar - i jedere Suppe
Mier Räfeler sind - ä geili Truppe
Jetz isch mer grad - ä Furz entwiche
Doch ohni Gschtank - zu früener vergliche
Wüssed sie - i mim Mage
Han ich en Softwär - vo Volkswage
S’Unternämer Früestück – i de Waldmahalle
Isch gratis und hed – allne gfalle
Das mer cha – d’Usgabe decke
Tued d’Schmier Buesse – a d’Auto stecke
De Blick cha üs - gschtohle bliibe
Sex und Skandal - total übertriibe
Mängisch fählt mer – im Härz ganz dumpf
De sexy Blick - vo de Widmer-Schlumpf
Im Bundesrat herrscht - grosse Fruscht
de Ueli seit - «ha kei Luscht»
Drum gaht d’ Somaruga - mit guetem Gwüsse
Und laht sich z Brüssel - vom Junker küsse
Für d Sicherheit bruuchis - e zweiti Röhre
chame landuuf - und landab ghöre
Üs Räfeler längt - ei Röhre vöörig
defür en frächi - und das ghörig
Uf em Titlis – Pilatus - Stanserhorn
Statt Bergfride -Gämsi - und Alphorn
Chinese und Inder – nid öppen e Geiss
Hinderlönd ded obe – ihre Scheiss.
Ha geschter en Aff gha - hüt en Kater derzue
D’Frau het gschumpfe - das isch doch en Chue
Mit schöne Chätzli - mues me flöörte
S’ isch tierischi Fasnacht - het dä gseit döörte
Bim idyllische Plätzli – zmitzt in Baar
Mit em Fellma Robi – s’isch doch klar
Singt d’Balkan Mafia - Fideri Fidera
Näbe dra könnts - Wette i gah
D’Rössliwise - isch voll Güsel
Dose - Fläsche - das sind doch Grüsel
Doch was gseht me - au neuerdings
Jolandas gsammleti - Sexy-Strings
S’Theater gaht wiiter – mer mues nur chli warte
Z’erscht bi de Grüene – jetzt bi de Pirate
Ha scho glacht – als chline Goof
Wenn ich gluegt ha – Dick und Doof
Am Kiosk hani - 10 Stutz zahlt
Bi ufs WC ghocket – has nid gschnallt
Ha blettered – vo vorne bis hinde
Im Playboy sind Blutti - nümme zfinde
Schriibt me Jubiläum - mit «ä» oder «e»
Mier hend drum eis - das wüssed er eh
10 Jahr Täfeler - mit herte Sprüüch
Tierisch gueti Fasi - wünschemer üüch
Bänke : Ruedi Suter und Annelies Stebler Helgen : Christoph Habeler