Schnitzelbank 2006

Im FC wott de Villiger butze

Er isch de Gmeind vo grossem Nutze

Drum chönnt er sii - igitt igitt

als Gmeindspräsi de lachend Dritt. 

Mit de Liebi ischs es nümm wie früener

de Güggel wechselt öfters d’Hüener

De Jöschtl seid mit spitzem Züngli

es isch nid nur es Siitesprüngli.

 D’ Axpo macht üs gröber d’s schaffe

mier wänd doch nid uf  Maschte gaffe

De SBB-Weibel lad üs au im Seich

hoffentlich klopft en s’Bundesgricht weich.

Plätz verbaue chasch uf vieli Arte

im Dorfmatt mit em ne Velogarte.

Gopfried Stutz, für all die Chole

cha der Urban d’Gofe mit em Taxi hole.

D’WTO cha ihn nit störe

mit Buure will er eh ufhöre

Bim Mietzins scheffle philosophiere

Sell i de Sämi oder de Christoph schmiere

D’Micheline seid i dr Bundesratssitzig

„Eh Manne, sind doch nid so itzig

Tönd wie de Andi et de Päuli bim Hopfe

Enand un peu uf d’Schultere chlopfe“.

S’Trudi seid zu de Silvia

im Wahljahr mues jetz öppis ga

Statt immer z’chrampfe viel und liisli

gömmer zäme is Meierisli

A de Weschtstrass uf sim Schiff

Hed de Steime Baar im Griff

Thront wie ne Käpten uf sim Kahn

Hed er jetzt au de Grössewahn?

 Plätz verbaue chasch uf vil Art und Wiis

wie wärs mit emne Bächli fin und liis

Toneli, chasch doch au i de Glungge

näb em Rathuus dieni Scheiche tungge.

De Päuli seit zum Doris - Müüsli

Du mich zieht’s  id Frömdi grüüsli

Ohni Gmeind, Chind und Trara

Gönd mier zwei uf Nabia.

Jede Bau vo de Gmeind mues e Rolls Royce sii

mit em Unterhalt isch es denn verbi

Und’s Personal bim Wiehnachtsässe

Cha de Schnapps glatt vergässe.

 De Feuchter engagiert doch grad

Fürs Masketräffe de Leonard.

de singt so schön, de isch so warm

Hoffentlich gids kein Füüralarm.

D’ Zuger Regierig brucht unbedingt

En Baarer Grind dass öppis glingt

Wenn de Chnuspi de Rat verlad

Isch de Räbevater Beat parat.


Bänke : Annelies Stebler     -   Helgen : Emil Gut