Schnitzelbank 2017

De Cancelara isch ganz e Nätte

Er isch uf em Höhepunkt zruggträtte

Bi andere isch das scho lang zschpaat                 

Si hocked immer no im Gmeindraat

            Warum fahrt de Gmeindrat nie Bahn?

            Wills a de Statione immer heisst :

           „Bitte zurücktreten- bitte zurücktreten“

A de Tour de Suiss hani vill Lüüt troffe

Doch eine hed, isch de ächt bsoffe

Mit de Startpistole bi de Braui uss

Em Sagan verpasst en Tinitus

Z' Zug chönt’s nid schriibe uf de Verwaltig

Cham und Aegeri zelled falsch, aber gwaltig

Hünebärg verwächslet, Ja und Nei

S’nächscht Mal bliib i glaub dihei.

 Wenn öpper e Rächtschribfähler findet

 Chan er e phalte.

Zersch Gmeindrat, jetz no Räbevatter

D’ Karriere isch steil, bi dem Andermatter

Mit Kampfsport staht ihm vill bevor

De wird bimeid no Bätschelor

            Melodie Lustig ist das Zigeunerleben

            Gmeindrat nimm dich wohl in acht

            Wenn des Pirmins Säbel kracht,

faria faria faria faria faria ho.  2x

Elektroauto sind voll im Trend

Will all en Tesla fahre wend

z Baar hend nid all so vill Chole                          

drum hend’s a de Chilbi es Putschauto gschtohle

            Elektroauto tönd nid dröhne

            Das isch wie Sex ohni stöhne

Mi Frau het gschumpfe, will i no eis ha gno

Und wäge dem zschpaat bi cho

Am Sunntig schimpft sie scho wieder eso

Dämal will i zfrüeh bi cho!

               Hesch gixled Miisli

D’Matratze isch voll, herrjemineh

Konfigläser han i au kei meh

Wo tuen i s’Gsparte ane vo hür

Uf de Bank zahl i nur Gebühr.

            Statt s’Gäld uf d’Bank – justamänt

            Suff lieber Schnaps – de hed vill meh Prozänt

Adam suecht Eva  im TeVau                                

E Gmeindrat findet är well das au            

Drum gaht är am Schwingerfäscht

Im Schlafzält vor allne blutt is Näscht.

             Verliert der Päuli seine Hose

War bestimmt der Gummi lose

Horror-Glöön sind einersiits

schträng verbote i de Schwiiz

Doch andrersiits z Amerika

Isch eine jetzt als Presi dra

            Är grabscht und längt de Wyber an Po

            Keis Wunder, sis Hirni gseht us wie Stroh

Jetz hend sie sofort müesse stoppe                       

D’ Ufnahme für Bätscheler i de Troope

Wäg Hüehnergrippe Knall uf Fall

Het’s gheisse «Hühner in den Stall»!

              Tuets im Hüenerstall chlottere

               Isch de Güggel sicher am hottere.

Jösses nei, isch das verschisse

D’Zuger Ziitig chasch grad verriisse

Ohni Spiess isch’s cheibe leer

Au im Kantonsrat fählt sie sehr

               D’SVP chlagt jämmerli

„Jetzt chömmer nüm is Chämmerli“

Europa verbietet wenn aktiv wotsch stärbe

Drum tuet EXIT für d’Schwiiz fescht wärbe.

Z’England chasch jetz au go fraage

mit BREXIT gaht’s de EU a Chraage

De Pfister seid zum  Darbelley

gang uf d Siite, bisch jetzt frei

Dä heds befolgt, er fühlt sich jung   

und macht sofort ä Siitesprung

             Es syg es Chind Gottes  -  seit är sinere Frau

es heig blaui Auge  -  aber är jetz au

Melodie S’wott es Fraueli z’Märit gah

            Los Darbelley du muesch di nid beklage, nid  

            beklage

            Mini hed mi au scho gschlage

            Tralalalala , tralalalala,

            mini hed mid au scho gschlage

            tralalala lala.

 


Bänke : Ruedi Suter und Annelies Stebler           Helgen : Christoph Habeler