Schnitzelbank 2018

Zum Droge hole, als Junky bigoscht

Han i müesse hinder Poscht

Jetz isch es isy, ha kei Chrampf

ich hol bim Fürscht Späckli mit Hanf

            Schprütze, schnupfe, hasche - muesch nie meh               

            Iss lieber em Speck sini Pralinée

D’ Braui seit: üs macht’s nüt uus

dass Fäldschlössli schänkt am Schwingfäscht uus

Schlimmer isch für Umsatz und Liter

Dass Andi und Päuili nümm  machet wiiter.        

            Üses Motto für d’Wahle isch nid gfählt                               

            «wer am meischte suufft, de wird gwählt!

De Tramp und de Blocher händ viel Parallele 

Wo immer sie sind,  da git's Querele

I eim Punkt händ d'Amis mee Glück ghaa 

Sie händ d'Ivanka, mier d' Magdalena

            D’Ivanka isch en tolli Frau                                       

            Bi de Martullo weiss is nid so gnau…..

D Zürcher Polizei seit nümm öb Maa oder Frau

Öb jung oder alt oder vo wo genau

Jugo, Albaner, alls isch verbote

Im Stadtrat hets z’vill Vollidiote

D’Italiener liided wäg Arbetslose sehr

und wäg Asylante, wo chömed übers Meer

Doch vill schlimmer isch für Tschingge

Dass sie nid chönd a de WM gingge

          Una WM ohni Italia magge

            Ische voll de Gagge

De Gmeindrat seid: gönd z’Baar go poschte

D’Wösch  vom Pflegheim, wäsched d’Schwabe wäg de Choschte

No schlimmer isch, mer g’hörts nid gärn

De Frass für d’Gofe chunnt vo Bärn.

Die Entscheidige sind nid de Riisser

Da bechum ich grad de Schiisser

Wenn’s Telefon lüütet zwänzg mal am Tag

So stellt mä sich de amigs d Fraag

Coll Zenter, Versicherig oder ächt no meh

Oder isch’s de Bütte vo de - Ce-Vau-Pe

UHU, Cementit, Araldit, Rakoll

Alles Liim, wo hebet toll

doch eine gitz, wo chläbt furchtbar

das isch «Sässelchläber» vom Gmeindrat Baar

De Andi wott i Schtänderat

Und het de Chläber scho parat

Es hed üüs eini, das isch wahr

As Füdli glanget a de Bar

Jetz simmer gstört und gönd zum Psychiater

mached mit bim «Me Too» Theater     

Me too, me too  -  seid bald jedi Frau

Zum Glück han ich en Chatz dihei  -  wo seid «Mi Au».

Im 19i wird z Zug im Sagmähl gschwunge

En König wird gkrönt wo de Sieg het errunge

Scho vorhär will eine z Baar König wärde

Und tuet mit «Lipp for President» für d’Wahle wärbe               

Ich würd au Gmeindspräsi, wenn ich chönt wähle

Statt wie d Conny sich mit de Möschteler ume z’quäle     

De Räbevatter wett schtatt is Näschtli

Vo Beiz zu Beiz und is Chuchichäschtli

Mit Polones da gaht d’Poscht ab

Vo de Pizzeria zum Kebab

            De hed no gar nid gmerkt, jedi Wett

            Das es z’Baar kei richtigi Beize me hed

De Donald Tramp tued plagiere

Und wott nomal d’Ruumfahrt aktiviere

Är schtiigt id Ragete Richtig Mars

Mier freued üüs Tschüss - das war’s       


Bänke : Ruedi Suter          Helgen : Christoph Habeler

Kommentar schreiben

Kommentare: 0