Mier fahred schwarz mit em Poschti uf Huuse
Wäg dem chömmer sehr guet pfuuse
Fürs Poschtauto tuet sich’s trotzdem lohne
So gits no meh Subventione
Politiker, Ruag und Armee hend au bschisse
Drum hemmer doch keis schlächts Gwisse
Sit d Lara heisst "Guet-Bherami"
Isch si worde e chli en lahmi
Statt uf de Pischte hert trainiere
Laht sie sich stäche bim tätowiere
i am from Mänzige, glernte Puur
i onderständ kei änglisch, chuetüütsch nur
Als Bundesrat wär ich gsi der richjtig
Doch frömdi Sprache sind halt wichtig
Es Buurebüebli wänd die nid, das gsed mer dene wohl a juhee
Es Buurebüebli wänd die nid, das gsed mer dene wohl a
D Beize jammeret Sakramänt
De Umsatzrückgang siig füfzg Prozänt
D Hauptursach isch allne klar
S'het trinkfeschti Abgäng im Gmeindrat Baar
A Dorfäscht, Chilbi und Fasnacht
läbt d'Dorfstrass, s'isch e wahri Pracht
susch isch sie e grosse Fruscht
jetzt planeds schins e Park wie z'Ruschtl
Mit Taxi, Uber und Mobility
So chasch fahre, wenn wotsch wohii
Das isch aber tüür. ich wott’s billiger
Ich nimm de Chlapf vom Villiger
Besser einefahre lah, als einilah fahre
Bi de CVP Baar tägets underem Haag dure frässe
die eignig Partei total vergässe
d Silvia wirbt und git en Tipp
fürs lingge Berty nid für de Lipp
Ich wart jeden Abig und wird ganz schwach
Uf d Wätterfee uf em Meteodach
Die isch so hübsch, die isch so schön
Doch leider seit de Bucheli "s'git Föhn"
Wägem Föhn chan ich schlächt pfuuse
Stell alls woni nümm bruuch uf e Balkon uuse
Alls ist wäg, au de Schirmständer
Nur mini Frau hanged no am Gländer
Er wüssis sit em Summer, het de Räbevater gseit
Er heig sich drum id Vorbereitige gleit
De Umfang müess nid zgring sy
är trainieri sin Ranze, das är ned isch zchlii
Ändlich en Räbevater wo vo Tuute und Blaase en Ahnig het
Räbefasnacht, vorwärts marsch
D’May zeigt em Junker de Stinkefinger
gäg d’EU gwünnt Ängland immer
Und tuets wägem Brexit stark rumore
Schützt de Charly d’Insle mit de Fladerohre
Statt Frölein a de Kasse, gits Self-Checkout
statt Fotialbum hesch nume no Cloud
online date, tuet mer digital
zum Glück gits d Räfeler, mier sind real
Bänke : Ruedi Suter Helgen : Christoph Habeler
Kommentar schreiben