ERFA Sitzig in Engelberg

Churz vor de plante ERFA Sitzig hed üs de Corona-Lockdown lahm gleid. Mier hend den d'Sitzig wohl oder übel verschobe. Defür hemmer si grad mit emne Uflug uf Ängelbärg verbunde. A gseid gsi isch schöns Wätter mit Gwitter am Namittag. Wo aber d'Räfeler Täfeler mit Partnerinne bi üs im Grundli i troffe sind, heds grägnet und s'isch alles grau in grau gsi. Kaffee und Gipfeli hemmer trotzdem chönne uf em deckte Balkon gnüsse. Es isch es frües Gwitter gsi und am 11.00 i heds ufghört rägne und mier hend en alternativi Wanderig zum Clubhuus vo de Golfer gmacht. Det heds en sprützige Wisse gäh. A der Ängelbärger Aa entlang isch es zrugg gange. 

Nach em bekömmliche Mittagässe und bi Sunneschiin, hed denn chönne d'ERFA Sitzig abghalte wärde.